Skemmtibátamenning og pungaprófið.

  Höfundur siglir skemmtibát sínum úr slússu í Frakklandi

Eins og fram kemur í fréttinni er "pungaprófið", sem er til atvinnuréttinda á skipum 30 brt. eða minni að líða undir lok. Í staðin koma um næstu áramót lög um nám og próf til að stjórna skemmtibátum allt að 12 m. lengd. Tel ég að þessi stærðarmörk séu í minnsta kantinum þar sem 12 m. skemmtibátur er frekar í minna meðallagi. Hefði átt að miða við allt að 20 m. skemmtibát í staðinn og gera meiri kröfur til námsins t.d. sömu kröfur og nú eru gerðar við 30 tonna pungaprófið. Skemmtibátasigling er mjög vaxandi frístundaiðja Íslendinga og því mikilsvert að vanda til náms og þekkingar þeirra sem stjórna svoleiðis bátum. Er t.d. mjög mikið um það að fólk fari erlendis og leigi báta til styttri eða lengri dvalar og siglinga um áhugaverðar slóðir. Góður og vel búinn skemmtibátur getur verið vænlegur kostur að eiga erlendis, allt eins og íbúð. Skemmtibáturinn gefur möguleika á að dvelja lengi á áhugaverðu svæði, flytja sig til á nýja staði til dvalar eða fara í ferðir út frá sínum dvalastað. Því er vel að sérstakt nám er í uppsiglingu fyrir þá sem hafa áhuga á slíku.

Taka má fram að ég er núna að byrja námskeið til pungaprófs á 30 tonna skip, (fyrsti tíminn er búinn) þannig að enn ér smá séns að komast að.

Sexfalt fleiri taka pungapróf

Athugasemdir

[Karitas (IP-tala skráð) 26.9.2007 kl. 14:17]

Pungaprófið getur komið sér mjög vel enda, eins og þú segir, er þetta alltaf að verða vinsælla sport. Sjálf er ég með pungaprófið en hef að vísu ekki nýtt mér þau réttindi sem ég hef ennþá. Tók það þegar ég var í tíunda bekk og er núna að klára menntó :) Ég hafði samt mjög gaman af námskeiðinu og þá sérstaklega þegar farið var á námskeið hjá Landsbjörgu. Góða skemmtun og gangi þér vel.