Förum aftur heim.

 Hennar Hátign Margrét Danadrottning

Nú er svo komið að við getum ekki sjálf endurskoðað og breytt upprunalegri danskri stjórnarskrá Íslands þrátt fyrir 65 ára tilraunastarf til sjálfstæðis.

Ekki nóg með það heldur leitum við logandi ljósi að nýjum gjaldmiðli til að taka við af krónu sem okkur tókst að gera handónýta undir eigin efnahagsstjórn.

Því spyr ég, er ekki kominn tími til að senda bænarskjal til hennar hátignar Margétar Þórhildar Danadrottningar og biðja hana um að taka við okkur aftur, þótt við hefðum hlaupist á brott fyrir 65 árum og fyrirgefa okkur þessa misheppnuðu tilraun til sjálfstæðis?

Með vísun til dæmisögunnar um "týnda soninn" tel ég víst að tekið yrði fagnandi við okkur og dýrð ESB myndi blasa við sem og dönsk króna ef við óskuðum.

Slegið á sáttahendur

Athugasemdir

[Páll Höskuldsson (IP-tala skráð) 16.4.2009 kl. 22:09]

Sæll Guðjón.

Ég er ekki svo viss um að Danir hefðu nokkurn áhuga á því að taka við okkur aftur. Ég held að íslendingar séu frekar illa þokkaðir í Danaveldi nú um stundir. Íslendingar hafa í reynd aldrei verið hátt skrifaðir í ríki Margrétar Þórhildar. Það hefur ekkert breyst og ekki hefur útrásin og útrásarvíkingarnir bætt orðspor oss.