Áreiðanleikakönnun á greiningum!

Bæði í fráfarandi góðæri og núverandi samdrætti eru stöðugar fréttir frá áliti hinna ýmsu greiningardeilda banka og opinberra stofnana. Upplýsingar um hvers er að vænta eru góðra gjalda verðar en það sem gerir það að verkum að, a.m.k. hjá mér, fara þær að mestu fyrir ofan garð og neðan er að ég hef hvergi séð tölulegar upplýsingar um hversu áreiðanlegar þessar greiningar eru. Hvernig þær hafi komið út í raunveruleikanum. Einhvernveginn hef ég grun um að allar þessar greiningardeildir séu ekkert spenntar fyrir úttekt á áreiðanleika sínum en ég tel mikilvægt að fjölmiðlar geri slíka áreiðanleikakönnun á greiningadeildum t.d. með samanburði á greiningum og raunveruleika síðsustu 18 til 24 mánuði.

Spá hámarks verðbólgu í ágúst

Athugasemdir

[Marinó G. Njálsson, 21.7.2008 kl. 13:41]

Guðjón, ég veit ekki hvernig er með greiningardeildirnar, en ég birti blogg 6. maí sl. (sjá hér) þar sem ég spáði að verðbólgan færi minnst í 14% síðsumars (lesist í ágúst) og hugsanlega hærra ef allt færi á versta veg.  Nú fór ekki allt á versta veg verðbólgulega séð, en lágmarksspáin mín virðist ætla að ganga upp.