Áreiðanleiki "greiningadeilda" og spákellingar nútímans.

Aftur eru greiningardeildir bankanna komnar með fjölmiðlasviðið. Þær þögnuðu fyrst eftir hrun, m.ö.o. kunnu að skammast sín smá stund fyrir það malbik sem þær héldu að þjóðinni þá.

Það er hins vegar auðvelt að fyrirgefa þeim ræflunum því þeirra hlutverk er jú að "heilaþvo markaðinn" með hagstæðum spám.

Í gamla daga fóru unglingsstelpur umvörpum til spákellinga þess tíma til að "sjá til framtíðar" og ef spáin var ekki nógu hagstæð var bara skipt um kellingu og þar með spá. Greiningadeildirnar eru teknar við hlutverki spákellinganna sem er hið skemmtilegasta mál, en ég hef aldrei skilið í fjölmiðlunum að hafa aldrei gert könnun á hversu vel þessar spár spákellinga nútímans hafa staðist gegnum tíðina t.d. s.l. 10 ár. Fátt væri auðveldara og áhugaverðara að sjá.

Unglingsstelpurnar fóru til spákellinganna í leynum en fjölmiðlar nútímans birta spár spákellinganna opinberlega svo spárnar ættu að varða alla.

Skortur á fasteignum 2013

Athugasemdir

[Guðlaugur (IP-tala skráð) 29.9.2011 kl. 11:20]

Þetta er hverju orði sannara sem þú leggur hér til. Ég vona að landsmenn séu ekki búnir að gleyma fyrri framkomu greinigardeilda. Þar sem hér er verið að fjalla um Ara Jón (ARION) banka þá langar  nefna nýjasta útspil þeirra sem eru óverðtryggðu húsnæðislánin með 6, eitthvað % vöxtum. Þessi sami banki kom fram á sjónarsviðið með íbúðalán sem báru 4,15% vexti árið 2004 þrátt fyrir að Guðjón Rúnarsson hjá SFF hafi þá stuttu áður sagt að bankarnir þyrftu 6.97% vext af slíkum lánum. Það er von mín að fólk sé ekki búið að gleyma þessum atriðum. Hvað hefur breyst, hver er úskýring bankans á þessum "gæðum" í dag. Svo má ekki gleyma því að vextir nýjulánanna eru endurskoðaðir eftir 5 ár þrátt fyrir að lántaki ætli að greiða það niður á næstu 25-40 árum. Ég bið þessa stjórnendur í fyllstueinlægni að fara gera nú eitthvað trúverðugt. Og sleppa því að reka starfsfólk sem hefur yfir 30 ára starfsreynslu eins og þeir hafa stundað að undanförnu. Gs.