Sólahringurinn

Sólahringurinn er ekki 24 tímar heldur 24 tímar 03 mín. 56,55536 sek. miðað við stöðu sólar.

Einn hringsnúningur jarðar (360°) er hins vegar 23 tímar 56 mín. 04,09054 sek.

Hvortveggja eru meðaltöl.

Breytti möndli jarðar

Athugasemdir

[Smyrill (IP-tala skráð) 2.3.2010 kl. 21:02]

Þakka upplýsingarnar Guðjón. En þurfum við ekki að breyta klukkunni hjá okkur þannig að hún sé 12, þegar sólin er í hádegisstað? Nú er hún orðin hálf tvö á þessum tímapúnkti. Um þetta er rætt nú um stundir.  Smyrill.

[Guðmundur (IP-tala skráð) 2.3.2010 kl. 21:29]

Ég, og sjálfsagt fleiri, hefði nú alveg þegið að sólarhringurinn lengdist en ekki styttist.

En varðandi að breyta klukkunni þá hefur lengi verið rætt um hvort ekki sé rétt að færa klukkuna fram á sumrin. Þess ber að geta að nú þegar erum við á sumartíma allt árið. Þess vegna er sólin ekki í hágöngu þegar klukkan er 12 hjá okkur, heldur þegar komið er fram á annan tímann. Það væri því eðlilegast að færa klukkuna aftur um eina klukkustund og hafa hana þar. Ég vil ekki sjá að verið sé að breyta klukkunni tvisvar á ári og tel okkur græða ósköp litið á því og sennilega ekkert. Þau rök að þá nýtum við betur birtuna á sumrin eiga ekki við því birtunnar nýtur nær allan sólarhringinn yfir sumarið.

[Hörður Halldórsson, 2.3.2010 kl. 21:31]

Þyrftum að hafa hlaupa mínútur .Væri ekki rétt að færa klukkuna til baka um klukkutíma og nálgast rauntíma?Styð það.

[Jóhann, 2.3.2010 kl. 23:27]

Kannski þau rök að þá nýtum við birtuna betur á veturna, vorin og haustin geti mjakað við þér. Fyrir mitt leyti vil ég frekar mæta í vinnuna í myrkri og koma heim í birtu en að fara í vinnuna í birtu og koma heim í myrkri.

[Benjamín Plaggenborg, 3.3.2010 kl. 09:47]

Hörður, það eru til hlaupsekúndur.

http://en.wikipedia.org/wiki/Leap_second

[Vilhelm (IP-tala skráð) 3.3.2010 kl. 10:52]

Þetta er ekki alls kostar rétt. Sólarhringur samkvæmt samræmdri tímamælingu, UTC, er 24 klukkustundir nákvæmlega, 24:00:00.

 Hins vegar er snúningstími Jarðar 23:56:04 eins og þú bendir réttilega á.  Þegar ósamræmi milli heimstímans, UTC, og snúnings jarðar nær einni sekúndu, sem gerist að jafnaði á um 18 mánaða fresti, þá er hlaupsekúndu bætt inn í heimstímann.

Þetta er einhver misskilningur með að sólarhringurinn sé 24:03:56.Slíkt mundi að sjálfsögðu valda ótæku misræmi í tímatalinu.

[drilli, 3.3.2010 kl. 12:13]

DUUHH ! næ þessu ekki alveg,hvort sem það eru 23:56:04 , 24:00:00 eða 24:03:56. En samkvæmt nýrri skilgreiningu er ég fábjáni svo það er ekkert skrítið að skilninginn skorti. Kannski er ég bara samræmdur fábjáni ! Að meðaltali auðvitað !

[Vilhelm (IP-tala skráð) 3.3.2010 kl. 12:51]

LOL, það var ekki ætlunin að flækja málið og enginn þarf fábjáni að heita þó ruglist hann (eða hún) á sólarhring og snúningstíma.

Sólarhringur er til að byrja með tíminn frá því Sól er í hásuðri  þar til hún er aftur í hásuðri næsta dag. Til hægðarauka var farið að miða við miðnætti á 19. öld, en það breytir engu í sjálfu sér. En málið flækist ögn því hraði Sólar á himninum er misjafn milli árstíða vegna misjafnrar fjarlægðar Jarðarinnar frá Sól.

Þetta þýðir að hin raunverulega hreyfing Sólarinnar víkur 14 til 16 mínútur fram eða til baka frá meðaltalshreyfingu Sólarinnar og heimstímans, þannig að "hádegi" í Reykjavík getur verið frá kl. 13:14 til klukkan 13:44 eða svo.

Samræmdur heimstími fer ekki eftir hreyfingu Sólar heldur miðast við samræmdar atómklukkur, en frávik þeirra frá hreyfingu meðalsólar eru leiðrétt með hlaupsekúndum.

Snúningstími plánetu er sá tími sem tekur  hana að snúast einn hring um sjálfa sig. Sá tími er 23:56:04 fyrir Jörðina. En á meðan Jörðin er að snúast einn hring um sjálfa sig þá hreyfist hún til á braut sinni um Sól, því sem næst 1°, þannig að Jörðin þarf að snúast ögn til viðbótar til að ná sömu afstöðu til Sólar, en þá er einmitt sólarhringur liðinn. Þessi tími er um það bil 4 mínútur. 

Sérlega einfalt :)

[drilli, 3.3.2010 kl. 14:10]

BINGO !

[Landfari, 3.3.2010 kl. 17:59]

Drilli minn, varstu að hlusta á Þráinn Bertelsson, nýja þingmanninn okkar??

Ekki gleyma því hvað hann er seinþroska, sérlega seinþroska.

Ég hef heyrt menn greina á um það hvort hann hafi náð fullum þroska enn. Tek ekki afstöðu til þess en er þess þó fullviss að honum fer betur að gera bíómyndir en sitja á alþingi.